18 верасня 2022 г. у нашай супольнасці была зацверджана парафіяльная рада. Вернікі, якія ўвайшлі ў яе склад, не толькі выказалі жаданне служыць на хвалу Бога і карысць Касцёла, але і ўмацавалі сваё жаданне публічнымі адказамі на пытанні пробашча і супольнай малітвай.

У склад парафіяльнай рады ўвайшлі наступныя вернікі

Старшыня парафіяльнай рады	Алена Протас
Памочнік старшыні	Вольга Сугак
Парафіяльны сакратар (пратаколы, справаздачы)	Юлія Францкевіч
Фінансавая камісія (дапамога бухгалтару ў разліках, фінансавы ўлік парафіі, кантроль за своечасовай аплатай камунальных, збор сродкаў на парафіяльныя мэты (імшы, пасілкі і г. д.))	Таццяна Кедо Вольга Гасціла Валянціна Байдак Часлава Пацалуйка Валянціна Іванова
Адказныя за выхаванне дзяцей і моладзі (катэхеза, сцэнкі, мерапрыемствы, выезды)	Таццяна Вашчула Вікторыя Сучынская
Парафіяльныя медыя (парафіяльны сайт і інстаграм, даваць інфармацыю з розных падзей у іншыя каталіцкія медыя)	Марыя Кукліс Аляксей Дзядзюля
Дапаможныя члены	Галіна Вашкоўская Тэрэза Кудлач Марына Рашэтнік Марыя Шаўлюк Вольга Грузд Лілія Жых Ларыса Мурашка

Божа, Ты вядзеш Твой Касцёл па прасторы часу, умацоўваеш нашае жаданне ахвярнага служэння нашым братам і сёстрам дай нам узрастаць у Тваёй ласцы ва ўсіх нашых справах. Учыні нашу паслугу ў парафіяльнай радзе мілай Табе і карыснай для супольнасці Касцёла Святога. Праз Хрыста, Пана нашага. Амэн

Чым есць рада свецкіх у касцёле і для чаго яна патрэбна?

Кожная парафія з’яўляецца жывой клеткай у целе Касцёла. І на грунце свецкага права, і паводле кананічнага права Касцёла каталіцкая парафія ў Беларусі заўсёды валодае юрыдычнай адметнасцю. Такім чынам, у парафіі павінны быць пэўныя атрыбуты, якія дапамагаюць ёй функцыянаваць і выконваць сваё прызначэнне. Адным з такіх атрыбутаў з’яўляецца парафіяльная рада. Падыход да гэтага інстытуту адрозніваецца з пункту гледжання свецкага заканадаўства і кананічнага права.

Асноўнай функцыяй парафіяльнай рады з’яўляецца супрацоўніцтва з пробашчам праз праяўленне ініцыятыў, звязаных з жыццём парафіяльнай супольнасці. Гэта як бягучыя справы, так і праекты, звязаныя з рознымі падзеямі, юбілеямі і падобнымі святамі. Парафіяльная душпастырская рада павінна таксама клапаціцца аб духоўным жыцці парафіі, дапамагаючы арганізоўваць розныя формы пабожнасці, урачыстасці, пілігрымкі і г. д. Дзякуючы гэтаму, жыццё канкрэтнай парафіяльнай супольнасці становіцца багацейшым. Парафіяльная пастырская рада таксама падтрымлівае святароў у іх катэхетычнай працы, даючы прапановы і вызначаючы спосабы дасягання вернікаў, пашыраючы такім чынам іх веды і паглыбляючы ўласную рэлігійнасць. Душпастырская рада таксама клапоціцца аб прыцягненні новых вернікаў, прапаноўваючы пэўныя формы евангелізацыі. У задачы рады ўваходзіць выказванне меркаванняў па справах парафіі і ўнясенне прапаноў і заключэнняў, накіраваных на паляпшэнне парафіяльнай працы. Рада не для таго, каб кіраваць парафіяй. Тым не менш, яна выконвае дарадчую ролю ў актывізацыі душпастырскай дзейнасці. Паколькі выкананне гэтых задач патрабуе ад членаў рады духоўнай сталасці і адпаведнага ўзроўню рэлігійных ведаў, члены рады павінны пастаянна паглыбляць сваё ўнутранае жыццё і веды праз чытанне Святога Пісання, слуханне лекцый, рэкалекцыі і г. д.