Тыдзень таму, 28 і 29 кастрычніка, дзеці і моладзь з нашай парафіі мелі невялічкія канікулы ў Навагрудку. Два дні ў адным са старажытных гарадоў Беларусі былі напоўнены супольнай малітвай, спевамі, забавамі. Нашы наймалодшыя парафіяне мелі магчымасць бліжэй пазнаёміцца адзін з адным і плённа правесці час.

Асаблівая падзяка кс. Юрыю Жэгарыну, пробашчу парафіі Святога Міхала Арханёла ў Навагрудку, за цёплы прыём, сястры-назарэтанцы Мірыям за цікавую экскурсію па Фарнаму касцёлу, а таксама вялікі дзякуй нашым аніматарам Вікторыi і Паўлу Сучынскім, Бажэне Жых, Алене Эдуардаўне Протас і Ларысе Міхайлаўне Мурашка, дзякуючы якім адпачынак атрымаўся насычаным і цікавым.